Deep Dive Zibersegurtasuna – 3. saioa
Zibersegurtasunari buruzko Deep Dive jardunaldien hirugarren saioan, industria-osagaien zibersegurtasuna ebaluatzeko laborategiak eskaintzen dituen zerbitzuak sakonki ezagutuko dira, arau-esparrua eta produktuen ziurtapena azpimarratuz
Zuretzako aukera
Saioa, nagusiki, beren produktua garatzen duten enpresei zuzenduta dago (gailu txertatuak, kontrol-sistemak, software-aplikazioak, plataforma digitalak), eta aukera ematen du test-plan pertsonalizatua osatzeko, zibersegurtasun industrialeko araudi nagusien betetze-maila ebaluatzeko.
Jardunaldi honek aukera emango dizu:
- Ikerlaneko zibersegurtasun-laborategiak eskaintzen dituen zerbitzuak aztertzeko
- Nodoko 4.0 soluzioak aplikatzeko erakustaldi praktikoak eta erabilera-kasuak ikusteko
Ezagutu aktiboak eta ekipoak
Laborategi honek ekipamendu espezializatua eta osagai industrialetara erabat bideratutako test-estrategiak ditu, ohiko test-metodologiak osatzen dituztenak, produktuaren ezaugarrien araberako test-tipologia espezifikoekin (komunikazio-sendotasunaren testa, fuzzing-a, inplementazio-testa, alboko kanalaren analisia, falten injekzioa, zibersegurtasun funtzionalaren testa, etab.). Laborategiko ebaluazio baten bidez, ziurtapen-prozesu hipotetiko bati ekiteko beharrezkoak diren ebidentziak sor daitezke, adibidez, IEC-62443-4 araudiarekin.
Produktuaren zibersegurtasunaren ebaluazio laborategia
Saioan aplikazioak ikusiko dira eta hainbat sektoretan ezarritako konponbideak erakutsiko dira, erabilera-kasuen, aktiboen erakustaldien eta “Hands on” saioen bidez. Saio horietan, bertaratzen direnek adituekin zuzenean lan egiteko aukera izango dute, baita banakako beharrak talde teknikoekin kontrastatzeko denbora ere.