Innobideak Prestakuntza: Emaitzak. Lehiakortasuna, emaitza ekonomikoetatik haratago**ATZERATUA**

Testuinguru sozioekonomikoa aldatu egin da betiko, hortaz, euskal enpresek eta bereziki ETEek, moldatzeko biderik egokiena topatu behar dute. Euskal industriak ikuspegi kontzeptual eta estrategiko berria behar du, industria berria fabrikazio aurreratua baino askoz gehiago baita.

Eusko Jaurlaritzako Ekonomiaren Garapen eta Azpiegitura Sailak, enpresak lehiakorragoak izaten lagunduko duen Innobideak estrategia diseinatu du, eta estrategia honen barnean Innobideak Prestakuntza programa hau aurkitzen da. Innobideak Prestakuntza programa, SPRIk EUSKALITen kolaborazioarekin garatu duen prestakuntza moduluen doako programa da. Enpresen berrikuntza eta lehiakortasuna garatzea baimenduko du eta honen erreferentea den Kudeaketa Aurreratuko Ereduaren sei elementuetan aurreratzeko diseinaturik dago: Estrategia / Bezeroak / Pertsonak / Gizartea / Berrikuntza eta Emaitzak.

Metodologia zeharo praktiko bati jarraiki, parte-hartzaileek adibide eta jarraibideekin lan egingo dute elementu horietako bakoitza enpresan nola aplikatu jakiteko. Saioak DOAKOAK dira eta industria eta horiekin harremana duten zerbitzu sektoreko enpresetako kudeatzaile eta zuzendaritzako kideei zuzenduta daude

Horrela, otsailetik ekainera, arlo hauek sakonago lantzeko modulu independente multzoa zure eskura duzu. Saioak independenteak dira eta nahi adina saiotan eman dezakezu izena.

Emaitzak. Lehiakortasuna, emaitza ekonomikoetatik haratago.

Erakunde bat lehiakorra edo iraunkorra izatekotan, epe luzerako izan beharko du. Hori dela eta, enpresaren arlo guztietan datuekin kudeatzea funtsezkoa da, helburuak definituz eta hedatuz, kausa-efektu harremanak ezarriz eta adierazleen jarraipena eginez. Eusko Jaurlaritzak euskal enpresen berrikuntza estrategia indartu nahi du, eta, horretarako, SPRIk eta EUSKALITek arlo horretan laguntzak eskaintzeko ekimenak lantzen dituzte. Innobideak Prestakuntza programaren barruan, ezinbestekotzat hartu den modulua diseinatu da, enpresek erakundearen emaitzen kudeaketa aurreratu bat egiteko prozesua nola hurbiltzen duten hausnartzeko.

Jardunaldi honetan, erakundeen emaitzen kudeaketa aktibo eta sistematiko bat burutzeko hausnarketa egiteko ideiak emango dira, lehiakortasun faktorea gerta dakiena.

Saioaren edukia

• Alderdi garrantzitsuak eta estrategikoak neurtzea.
• Helburuak zehaztea eta enpresako maila guztietara hedatzea.
• Kausen eta emaitzen arteko erlazioak zein diren jakitea.
• Adierazleekin gestionatzea eta aurrea hartzea.

Bideratzailea

Iñaki Buitrón

Ekonomia eta Enpresa Zientzietan lizentziaduna (Deustuko Unibertsitatea). Masterra Erabateko Kalitatean eta Supply Chain Management+ Lean arloan espezializatua. Azken 15 urteotan, aholkulari eta prestatzaile gisa lan egin du honako arlo hauetan: kudeaketa; kalitatea eta bikaintasuna; prozesu hobekuntza eta eraginkortasuna (LEAN); eta Supply Chain (hornidura katea). Gaur egun, Arcinnova Consultores enpresako zuzendaria da.

Euskalit-ek koordinatua.