Estrategia. Nola lortu gure asmoak gauzatzea.
Estrategia finkatzea ezinbestekoa da. Erakunde batzuek formulazio konplexuak eta zehatzak egin behar izaten dituzte, eta, beste batzuetan, berriz, praktikoagoa izaten da pertsona guztiek ideia garbi gutxi batzuk izatea, erabaki egokiak hartzen lagunduko dietenak. Eusko Jaurlaritzak euskal enpresen berrikuntza estrategia indartu nahi du, eta, horretarako, SPRIk eta EUSKALITek arlo horretan laguntzak eskaintzeko ekimenak lantzen dituzte. Innobideak Prestakuntza programaren barruan, ezinbestekotzat hartu den modulua diseinatu da, enpresak estrategia ezarri eta kudeatzeko prozesua nola hurbiltzen den hausnartzeko.
Jardunaldi honetan, estrategiaren hausnarketa prozesua eta bere hedapena eta komunikazioa kudeatzeko ideiak emango dira.
Saioaren edukia
- Zer informazio duzun eta ser informazio behar duzun.
- Hausnarketa sistematikoa eta partizipatiboa.
- Negozio eredua, bereizketa faktore.
- Asmotik ekintzetara.
Bideratzailea
Alberto Etxeandia
Dinamikak enpresako aholkularia da, eta industria ingeniaria da, industria antolakuntzan espezializatutakoa. Sektore askotako (industriala, hezkuntza, hirugarren sektorea…) hainbat erakunderekin lan egin du dinamizazio estrategikoko eta antolaketako prozesuetan, eta kudeaketa postuak bete ditu zenbait enpresatan. Ohiko hizlaria izaten da estrategiarekin lotutako masterretan eta ikastaroetan.
Euskalit-ek koordinatua.
Ekitaldi honetan izena eman duten guztiek mezu elektroniko bat jasoko dute erregistratu diren helbidean ekitaldiaren unean konektatzeko esteka batekin.