Testuinguru sozioekonomikoa aldatu egin da betiko, hortaz, euskal enpresek eta bereziki ETEek, moldatzeko biderik egokiena topatu behar dute. Euskal industriak ikuspegi kontzeptual eta estrategiko berria behar du, industria berria fabrikazio aurreratua baino askoz gehiago baita.
Eusko Jaurlaritzako Ekonomiaren Garapen eta Azpiegitura Sailak, enpresak lehiakorragoak izaten lagunduko duen Innobideak estrategia diseinatu du, eta estrategia honen barnean Innobideak Prestakuntza programa hau aurkitzen da. Innobideak Prestakuntza programa, SPRIk EUSKALITen kolaborazioarekin garatu duen prestakuntza moduluen doako programa da. Enpresen berrikuntza eta lehiakortasuna garatzea baimenduko du eta honen erreferentea den Kudeaketa Aurreratuko Ereduaren sei elementuetan aurreratzeko diseinaturik dago: Estrategia / Bezeroak / Pertsonak / Gizartea / Berrikuntza eta Emaitzak.
Metodologia zeharo praktiko bati jarraiki, parte-hartzaileek adibide eta jarraibideekin lan egingo dute elementu horietako bakoitza enpresan nola aplikatu jakiteko. Saioak DOAKOAK dira eta industria eta horiekin harremana duten zerbitzu sektoreko enpresetako kudeatzaile eta zuzendaritzako kideei zuzenduta daude
Horrela, otsailetik ekainera, arlo hauek sakonago lantzeko modulu independente multzoa zure eskura duzu. Saioak independenteak dira eta nahi adina saiotan eman dezakezu izena.
Kudeaketa ekonomikoa. Kudeaketa ekonomikoa emaitza-kontua baino gehiago da
Erabaki ekonomiko-finantzarioek erakundeen lehiakortasunari eragiten diote zuzenean. Baliabide ekonomikoak behar bezala kudeatu ahal izateko, bezeroekin, pertsonekin, gizartearekin eta berrikuntzarekin estrategiak gauzatu ahal izango ditugu, nahi diren emaitzak lortzeko. Eusko Jaurlaritzak euskal enpresen berrikuntza estrategia indartu nahi du, eta, horretarako, SPRIk eta EUSKALITek arlo horretan laguntzak eskaintzeko ekimenak lantzen dituzte. Innobideak Prestakuntza programaren barruan, ezinbestekotzat hartu den modulua diseinatu da, enpresak estrategia ezarri eta kudeatzeko prozesua nola hurbiltzen den hausnartzeko.
Jardunaldi honetan, estrategiaren hausnarketa prozesua eta bere kudeaketaren inguruan hausnarketa egingo da lortu nahi diren emaitzak lortu ahal izateko.
Saioaren edukia
- Zenbat kostatzen du produktu batek? Zenbat balio du enpresa batek?
- Erakunde baten osasun finantzarioa
- Kudeaketa ekonomikorako kontzeptuak eta funtsezko erremintak
- Inoiz egin behar ez genukeena
Bideratzailea
Rubén Martínez
Ekonomia eta Enpresa arloan lizentziatua (Espezialitatea: Ekonomi eta Finantza egoeren Analisia), Zerga Tekniketan eta Nazioarteko Fiskal Aholkularitzan Goi mailako Ikastaroak. ESINE-n, 23 urteko lan esperientzia du Aholkularitza-Fiskal Ekonomista bezala, Bikaintasun eta Estrategia kudeaketa arloetan kontsultore eta hezitzailea, zuzendaritza taldeen dinamizatzailea, lidergoa, prozesuen bidezko kudeaketa eta etengabeko hobekuntza. Knowinn-eko programa ezberdinen hezitzailea 2006 urtetik aurrera, eta Euskaliteko ebaluatzailea 2003 urtetik aurrera. Gaur egun Mplus Consulting-eko zuzendaria da.
Euskalit-ek koordinatua.
Tokia
Arabako Industri Ingeniarien Elkargo Ofiziala , Vitoria-Gasteiz (Araba/Álava)
Arabako Industri Ingeniarien Elkargo Ofiziala
Colegio Oficial Ingenieros Industriales Álava, Vizcaya 2, Vitoria-Gasteiz
Ekitaldiaren antolatzailea:
