Euskadiko Parke Teknologikoen Sareak EEEren “Eraginkortasun energetikorako laguntza-programak” laguntzak aurkezteko jardunaldira gonbidatzen zaituzte. Jardunaldia martxoaren 9an, 10ean eta 12an, Gipuzkoan, Bizkaian eta Araban izango da, 10:00etatik 11:30era, eta EEE-Energiaren Euskal Erakundearekin elkarlanean egingo dugu.
Jardunaldian, honako laguntza hauek aurkeztuko dira, eta guztiak egongo dira urriaren 31ra arte edo aurrekontua agortu arte indarrean:
- Eraginkortasun energetikoa industrian.
- Inbertsioak eraginkortasun energetikoan eta eguzki-energia termikoan sektore tertziarioan.
- Inbertsioak eraginkortasun energetikoan eta eguzki-energia termikoan tokiko administrazio publikoaren sektorean.
- Inbertsioak biomasaren aprobetxamendu energetikoaren instalazioetan.
- Inbertsioak aprobetxamendu geotermikoaren instalazioetan.
- Inbertsioak autokontsumo elektrikorako energia berriztagarrien instalazioetan.
- Inbertsioak itsas teknologia energetiko berriztagarri berriak erakutsi eta balioztatzeko.
- Inbertsioak garraio eta mugikortasun eraginkorrean.
- Inbertsioak ibilgailu eraginkor eta alternatiboetan.
Azkenik mahai-ingurua egingo da sor daitezkeen galderei erantzuteko, eta networking-kafe batekin amaiera emango zaio jardunaldiari.
Toki mugatuak. Baieztapena eskatzen da.
Tokia
Eraikin Nagusia - Arabako Teknologi Parkea, Vitoria-Gasteiz (Araba/Álava)
Eraikin Nagusia - Arabako Teknologi Parkea
Hermanos Lumiere Kalea, 11, 01510 Vitoria-Gasteiz, Araba, España
Ekitaldiaren antolatzailea:
