Australian Renewable Energy Info Day

Previous Next

Testuingurua:

Australiako energia berriztagarriaren merkatuak inbertsiorako eta hazkunderako ingurune egokia eskaintzen du honako hauei esker: baliabide natural ugariak, gobernuaren laguntza, energia garbiaren eskaera gero eta handiagoa eta araudi egonkorra. Ezaugarri horiei esker, Australia helmuga erakargarria da Euskadiko enpresarentzat eta energia berriztagarrien arloan dituen proiektuentzat.

BasqueTrade Australia bulegoa laster irekiko dutela ikusita, eta WindEurope Bilbao astearekin bat eginez, jardunaldi hau antolatzeko aukera izango dugu, Australiako merkatu-aukerak energia berriztagarrien sektoreko Euskadiko enpresei helarazteko.

Helburua:

Jardunaldiaren helburua da Australian, bertako eragile eta agintari nagusien eskutik, energia berriztagarrien merkatuan dauden merkataritza-ikuspegiak eta lankidetza-aukerak aztertzea, Euskadiko enpresentzat erabilgarri dauden aukeren ikuspegi zehatza eskainiz.

Nazioartean zabaldu nahi duten enpresentzat aukera paregabea izango da Australiako energia berriztagarrien merkatua azter dezaten. Horrek guztiak honako hauetarako aukera eskainiko die:

• Australiako energia berriztagarrien sektoreko agintari eta eragile nagusiekin konektatzea.
• Australiako merkatuko negozio- eta lankidetza-aukerak aztertzea.
• Australian eragiketak finkatu eta hazten laguntzeko informazio estrategikoa lortzea.

Ondoren, solasaldi bat eskainiko da, Euskaditik planteatutako erronkei aurre egiteko estrategiak aztertzeko, herrialdean negozioa sortzeko prozesuan laguntzeko tresnak eskaintzeko eta dagoeneko lurralde hartan ezarrita dauden Euskadiko enpresen proiektuei jarraipena emateko.

Nori bideratuta:

Energiaren sektoreko Euskadiko enpresak. Bereziki, Sare Adimendunen, Eguzki Energiaren, Energia Biltegiratzearen eta Energia Eolikoaren azpisektoreetan inplikatutako enpresak. Enpresa horiek beren intereseko edukiak aurkituko dituzte, Australiako gobernuak orain arte aurkeztutako planak oinarritzat hartuta.