“Business Event” Tour de France

Previous Next

Testuingurua:

Frantziako Tourra kirol munduan urtero ospatzen den kirol ekitaldi nagusietako bat da. Hala, bada, 2023ko edizioa EAEtik abiatuko da, eta bertatik igaroko dira tourraren lehen hiru etapak. Aukera aparta da; izan ere, EAE nazioarteko kirolaren fokuan kokatzeaz gain, mundu mailako esposizio mediatikoa izango du.

EAEn izango da Frantziako Tourraren irteera handia 2023an, Bilbon, eta beste bi etapa izango ditu. Etapa horiek Gasteiz eta Donostia lotuko dituzte, baita Gipuzkoa eta Baiona ere, eta ondoren, Frantziako lurraldera igaroko dira.

Testuinguru horretan, Basque Trade & Investment agentziak Frantziako Tourraren irteera aprobetxatuz sor daitezkeen enpresa-sinergiak aprobetxatzeko ekitaldi bat antolatuko du Business France, Okzitaniako Gobernua eta Credit Lyonnais (LCL), hau da, lasterketaren babesle nagusiarekin batera.

Erakundeen interes partekatua dela-eta, ekitaldi bat egitea erabaki da, EAEn eta Frantzian, bereziki Okzitanian, deskarbonizazioaren, energia berriztagarrien eta hidrogenoaren arloetan egiten ari diren ekimenei balioa emateko.

Helburua:

Eusko Jaurlaritzako ordezkarien asmoa da Eusko Jaurlaritzak energia berriztagarrien eta hidrogenoaren inguruan dituen ildo eta proiektu estrategikoak aurkeztea. Business France/Frantziako Enbaxadak, aldiz, hiru eremu horietako garapen-planak azalduko ditu, eta, azkenik, Okzitaniako Gobernuko ordezkariek sail horrek aurkezten dituen interes-eremuetan bultzatzen ari diren proiektuak azalduko dituzte, baita lankidetza/negozio aukera potentzialak ere.

Nori bideratuta:

Deskarbonizazioaren, energia berriztagarrien eta hidrogenoaren garapenaren arloan interesa duten EAEko enpresak.