Bilatu ekitaldia

JAPONIA-EUSKADI ekitaldia


2023ko martxoaren 29an 13:00etatik 15:30etara

Testuingurua:

Japonia-Euskadi urtearen karietara, Eusko Jaurlaritzaren Nazioartekotzeko Euskal Agentziak (Basque Trade & Investment) helburutzat hartu du bi herrialdeen arteko harreman komertzialak dinamizatzea. 2022an Tokioko bulego berria ireki ondoren, Basque Trade & Investment-ek txosten batean bildu ditu euskal enpresek Japonian aurki ditzaketen aukera sektorialak. Horrela beraz, txosten horrek aztergai ditu Japoniako aukera-sektoreak, euskal enpresek Japonian aprobetxatu ditzaketen merkatu-nitxoak identifikatzeko.

Basque Trade & Investment eta Japoniak Espainian duen Enbaxada jardueren egitarau bateratu bat garatzen ari dira Japonia-Euskadi urtearen karietara. Egitarau horretan kokatzen da ekitaldi hau, zeinetan aurkeztuko baita Euskadi-Japonia urteari begira antolatutako jarduera ekonomikoen egitaraua eta gorago aipatutako txostena.

Japoniako Enbaxadako eta Eusko Jaurlaritzako / Basque Trade & Investment-eko ordezkariez gain, ekitaldian orobat parte hartuko dute Japoniako Kanpo Merkataritzako Agentziako (JETRO) ordezkariek, Espainiako enpresari japoniarren elkartekoek (SPAIN NISSHO) eta OSG IBERICAko zuzendari nagusiak. Helburua da euskal enpresek izan dezatela Japoniak emandako ikuspegi bat identifikatutako aukera-sektoreei eta sektore horietan arrakasta izateko giltzarriei buruz.

Japonia-Euskadi urte honen helburu nagusia da bi herrialdeen arteko harreman ekonomikoak sustatzea sektore jakin batzuetan, zeintzuetan sinergia handiak dauden eta potentzial handia ere bai  aliantzak sortzeko bi lurraldeetako enpresen artean, kontuan hartu behar baitira Euskadiko eta Japoniako kluster industrialen nahiz teknologi zentroen ezaugarriak eta baita ere garatzen dituzten abangoardiako teknologia bereziak.

Helburua:

Euskal enpresa sentsibilizatzea Japoniako negozio-aukeren inguruan, eta Euskadiko zein Japoniako enpresen arteko harremanak eta aliantzak bultzatzea bai Estatuan eta bai nazioartean, Japonia-Euskadi urtearen karietara antolatuko diren jardueren bidez. Horretarako:

  • Euskal inbertsioaren interesa Japoniarantz bideratuko da
  • Japoniako aukera-sektoreei buruzko txostenaren emaitzak aurkeztuko dira
  • Japonia-Euskadi urtearen karietara programatutako negozioen garapenerako jarduerak aurkeztuko dira
  • Euskadi eta Japoniako enpresen arteko aliantzak sustatuko dira (hirugarren merkatuetakoak barne)

Jomuga publikoa:

Euskal enpresariak oro har, eta bereziki, automobilgintza, energia berriztagarri, gailu mediko, IKT eta makina-erreminta sektoreetako enpresetakoak.

Egitaraua

13:00
Ekitaldiaren hasiera eta Japonia-Euskadi urtearen aurkezpena

Baieztatzeko
Eusko Jaurlaritza
Takahiro Nakamae
Japoniaren Espainiako enbaxadorea

13:15
Negozio-aukerak Japonian

Takaharu HORINOUCHI
JETRO Spain agentziako zuzendari nagusia

13:25
Aukera-sektoreak Japonian

Basque Trade & Investment

13:45
Euskal enpresa sektorean jarritako espektatibak

Sr. Daisuke Chihara
SPAIN NISSHO elkarteko presidentea
(Espainiako enpresari japoniarren elkartea)

13:55
Euskadiren eta Japoniaren arteko aliantzen kasu arrakastatsuak (Hizkuntza: Ingelesa)

Sr. Tomohiro Mashida
OSG IBERICAko zuzendari nagusia

14:05
Galderak eta erantzunak

Moderatzailea:
Basque Trade & Investment

14:20
Networkinga / Cocktaila

Tokia
Euskalduna Jauregia, 5H Aretoa, Bilbao (Bizkaia)

Euskalduna Jauregia, 5H Aretoa
Palacio Euskalduna Bilbao, Avenida Abandoibarra, nº4, 48011 Bilbao



Ekitaldiaren antolatzailea:

Orobat interesa dakizuke

Image
Berrikuntza

Webinar – Berrikuntzan Eskualdearteko lankidetza finantzatzeko aukerak: Eskualdeen arteko Berrikuntzarako Inbertsio Tresna-I3


Webinar 2024.04.15 / 10:00
Nazioartekotzea

Aerospace Industry in the UK, Hints & Future Opportunities


Webinar 2024.04.18 / 10:00

Copyright © SPRI 2024