Deep Dive Elektrizitate-sare digitalen teknologietan murgiltzeko jardunaldiak

Previous Next

Sorkuntza banatuaren eta biltegiratzearen integrazioa eta Mikrosareak

Sareak digitalizatu eta teknologia berriak txertatzea ezinbestekoa da trantsizio energetikoaren egungo testuinguruan. Deep Dive honek sektoreak gaur egun dituen erronka nagusietan sakonduko du, arazo tekniko garrantzitsuenak zeintzuk diren planteatuz. Erabilera-kasuen eta aktiboen aurkezpenak eta erakustaldi praktikoak denbora errealean egingo dira, galdera horiei erantzuna emanez.

Saio hau bereziki interesatzen zaizu baldin eta:

Elektrizitate sektoreari lotutako enpresa bateko kide zara, eta zure eskaintza balio erantsi handiko zerbitzu eta soluzio teknologikoetarantz garatzen ari da, sare-eredu banatuago, digitalizatuago eta deskarbonizatuagorako trantsizioa errazteko.

Ezagutu aktiboak eta ekipoak :

Erdi tentsioko laborategia
Behe-tentsioko korronte zuzeneko mikrosarea
Smart-Storage, Smart Grids/Smart Building eta Potentzia elektronikoko Laborategia
Sareen kontrola eta segurtasuna hobetzeko softwarea
Elektrizitate-sareen biltegiratzea integratzeko aplikazioak

Saioan aplikazioak ikusiko dira eta hainbat sektoretan ezarritako konponbideak erakutsiko dira, erabilera-kasuen, aktiboen erakustaldien eta “Hands on” saioen bidez. Saio horietan, bertaratzen direnek adituekin zuzenean lan egiteko aukera izango dute, baita banakako beharrak talde teknikoekin kontrastatzeko denbora ere.