Eusko Jaurlaritzak, Jabetza Industriala eta Intelektualaren politika sustatuz, euskal enpresen berrikuntzaren estrategia indartzeko helburua du. Eusko Jaurlaritzako berrikuntza estrategiari laguntzeko, SPRIk eta EUSKALITek arlo honetan laguntza emateko ekimenak lantzen dituzte. Innobideak Prestakuntza programaren barruan ezinbestekotzat jotzen den gai bati buruzko modulu berria sortu da, Jabetza Industrialean (patenteak, diseinuak, markak) eta Intelektualean oinarrituta, enpresek berrikuntza estrategiaren kudeaketari aurre egiteko modurik onena aztertzen laguntzeko diseinaturik.
Saio honetan, Jabetza Industrialaren eta Intelektualaren kudeaketa eraginkorra egiteko jarraibideak emango dira eta arlo honetan estrategia posibleak ezarriko dira.
Saioaren edukia
- Jabetza industriala eta intelektuala (JI): zer babestu daiteke, nola eta zertarako.
- Teknologia babestea: zertarako balio duten patenteek eta zertarako ez. Beste zer aukera daude?
- Patenteak informazio iturri gisa eta arauak hausteko arriskuen prebentzioa.
- JI berrikuntza prozesuan eta enpresen kudeaketan sartzea.
Bideratzailea
Juan Carlos Morla
SONDER CONSULTING, SL enpresako CEO da 2016az geroztik. 20 urtetik gorako esperientzia du aholkulari, prestatzaile eta auditore gisa kudeaketa ereduen, berrikuntzaren eta iraunkortasunaren alorretan. Lehenago, freelance aholkulari lanetan, kudeaketa eta berrikuntza sistemen auditore eta proiektu arduradun lanetan jardun izan du. Halaber, EUSKALITen prestatzailea da, eta Quality Innovation Award-en ebaluatzailea (EAEn eta Espainian).
Euskalit-ek koordinatua.