Horizonte Europaren lege- eta finantza-alderdiei buruzko informazio-jardunaldia

Previous Next

SPRIk, Innobasquek eta BEAZek, Enterprise Europe Network (EEN) euskal partzuergoko kideek, esparru-programa berriaren partaidetza-arauen berritasunei buruzko informazio-jardunaldi bat antolatu dute, Zientzia eta Teknologiarako Espainiako Fundazioaren (FECYT) eta Garapen Teknologikorako eta Berrikuntzarako Zentroaren Horizonte Europako lege- eta finantza-gaietarako Harremanetarako Puntu Nazionalen (National Contact Points – NCPs) taldearekin lankidetzan.

Jardunaldiaren helburuak:

Jardunaldian, xehetasunez aztertuko dira kostuak kalkulatzeko metodologietan izandako aldaketak, hirugarren aldeetako berrikuntzak eta finantzaketa-modu berriak, hala nola “Lump Sum” eredua (oroharreko prezioan), epe laburrean garrantzi nabarmena duena. Gainera, “Corporate MGA” (dirulaguntzetarako hitzarmena) berriak Horizonte Europaren dokumentuetan eta laguntza-gidetan dituen inplikazioak baloratuko dira.

Era berean, Enterprise Europe Network (EEN) euskal partzuergoak euskal enpresei beren I+G+b nazioartekotzen laguntzeko zerbitzuak ezagutzera emango dira.

Nori zuzenduta:

Jardunaldia enpresa eta enpresa-elkarteetako, klusterretako, aholkularitzetako, ikerketa-zentroetako, ikerketa sanitarioko institutuetako eta haien fundazioetako eta abarretako kide diren eta I+G+b arloan zuzendaritza-ardurak edo erantzukizun teknikoak dituzten pertsonei eta Zientzia, Teknologia eta Berrikuntzaren Euskal Sareko eragileei zuzenduta dago.

Elkarrizketak CDTI/FECYTekin:

Lanaldia amaitu ondoren, NCPekin bilerak egin ahal izango dira. Interesa baduzu zure Horizon Europe proiektuen lege- edo finantza-gaiei buruz dituzun zalantzak kontrastatzeko, zure proiektuarekin lotutako inskripzio-formularioko informazioa bete behar duzu. Betetako formularioak jasotzeko azken eguna 2023-01-24a izango da, baina egin daitezkeen bileren kopurua mugatua denez, inprimakia ahalik eta lasterren betetzea gomendatzen da.

* Oharra: jardunaldira joateko, beharrezkoa da «Eman izena» botoiari emanda izena ematea. CDTI/FECYTekin elkarrizketa egiteko inprimakia osagarria da, soilik interesa izanez gero.