Ingeniari industriala da Nafarroako Unibertsitatean (Tecnun) eta ADEn lizentziatua EHUn. Esperientzia zabala du Zerbitzuetan eta Supply-Chain arloan nazioarteko enpresetan, besteak beste, Pasabanen, Danobaten edo General Electricen. Egun, ii40Services startuparen sortzaile eta CEOa da Donostian (Gipuzkoa).

Javier Maditeko CEOa eta sortzailea da. Industria-ingeniaria da Bilboko Ingeniaritza Eskolan. Fabrikazio aditiboaren arduraduna izan da ITP Aeron 9 urtez eta 2020an metalaren arloko fabrikazio aditiboan espezializatutako Madit enpresa sortzea erabaki zuen.

Zientzia Ekonomikoetan eta Enpresa Zientzietan lizentziatua EHUko Ekonomia fakultatean Gaur egun, SPRIko Trantsizio Estrategikoen sailean ari da lanean teknologia digital eta jasangarriak gehitzeko prozesuan enpresei laguntzeko asmoz BDIH (Basque Digital Innovation Hub) koordinatuz.

Horrez gain, Eusko Jaurlaritzako Ekonomiaren Garapen, Jasangarritasun eta Ingurumen Saileko erakunde publikoetan Berrikuntzako Erosketa Publikoko prozesuak (CPI) bultzatzeko eta ezartzeko proiektuaren koordinazioan parte hartzen du.

Eskarmentua du I+Gri laguntza emateko programak kudeatzen eta zerga-ondorioetarako kalifikazioko txosten teknikoak egiten.

Europako Batzordearen Enterprise Europe Network sareko kidea da 2008tik eta energia berriztagarria eta aeroespazioa sektoreetako taldeetan hartzen du parte.

Ibon Iribarrenek 20 urte baino gehiagoko eskarmentua du ardatz zentral batekin negozioak garatzen: sektore industriala eraginkorrago bihurtzea.

Ingeniari industriala eta Executive MBA IESEn. Automobilgintzarako makinetan liderra den enpresa batean 17 urte eman ostean, orain 5 urte abentura berri bati ekitea erabaki zuen. 2018tik, LINQeko CEOa eta sortzaileetako bat da. Enpresa horrek funtsezko misio bat du: pieza metalikoen fabrikazioan txatarra murrizten laguntzea. Horretarako, LINQek ikuskapen elektromagnetiko ez-suntsikorreko ekipoak eta soluzioak eskaintzen ditu.

Azken urteotan, Ibon hainbat ekimenetan barneratu da Euskadiko ekintzailetza-sistema sustatzeko eta garatzeko.

Operazioen kudeaketan, I+G zuzendaritzan eta ingeniaritzan, zuzendaritza orokorrean eta e-Businessen 35 urtetik gorako esperientzia duen profesionala da. Ingeniari elektrikoa da eta Finantzen masterra egin zuen EHUn. Black Belt masterra du Lean Six Sigman, GEk ziurtatua. 2018 hasieratik, I+Gko zuzendaria da Arteche taldean, potentziaren sistema elektrikorako ekipoak eta irtenbideak mundu osoan hornitzen dituen enpresa. 2019 eta 2023 artean, Zuzendaritza Batzordeko kidea eta GAIAko Batzorde Elektronikoko presidentea izan da. Aurretik, Kairos Management, GE Power Controls eta GE Multilin enpresetan ibili da. Azken biak General Electric multinazionalaren parte dira. 

Daisalux taldeko I+G+b arloko zuzendaria (larrialdietarako argiztapena). Zientzia Fisikoetan (Elektronika) lizentziatua da eta graduondoko prestakuntza du elektronikan, irrati-komunikazioetan, komunikazioetan, ekoizpenaren kudeaketan eta Adimen Artifizialean. EMBA ESICen. I+G-ren eta ingeniaritzaren arloari lotuta egon da beti (sOlac telecomen I+G+b saileko eta sistemetako ingeniari, SAFT Power Systemsen aplikazioen ingeniaritzaren arduradun, AEG Power Solutionsen zuzendari industrial).

Kimikan doktorea da Strathclyde Unibertsitatean (EB). Doktore osteko ikerlari aritu da bere ibilbide profesionalean eta, gerora, ikerlari seniorra izan da Ferring Pharmaceuticalsen, Grapheneako zuzendari zientifiko izan arte. I+G arloko taldea koordinatzen du eta 15 patente eta 95 argitalpen baino gehiago egin ditu inpaktu handiko aldizkarietan. Gainera, integrazio-laneko paketearen kide eta liderra da (wafer scale integration), eta grafenoaren hazkunde-paketearen lider albokoa.

RFID teknologietan, energy harvestingen eta kontsumo baxuko elektronikan 15 urte baino gehiagoko esperientzia duen profesionala da, bai maila teknikoan, bai aplikazioan. Aholkularitza-ikuspegia eskaintzen die kablerik gabeko monitorizazio-aukerei, edozein sektoretan. Enpresa handietako (IBM) eta sart-up teknologikoetako (Farsens) enplegatua eta ekintzailea ere (Kliskatek) izan da. Industria Antolamenduko ingeniaria da (UPV/EHU).

Xabier Iturbe doktoreak Ingeniaritza elektrikoa, elektronikoa eta komunikazio-ingeniaritza masterra egin zuen Euskal Herriko Unibertsitatean 2007an eta Ingeniaritza Elektronikoaren doktoretza Edinburgoko Unibertsitatean (EB), 2013an. Ingeniari ikertzaile seniorra eta EBko proiektuen koordinatzailea da Ikerlanen. Ingeniaritza neuromorfikoaren eta AA hardwareen diseinuaren ikerketa-jarduerak koordinatzen ditu, industriako bezeroen aplikagarritasunari zuzenduta. Horizon Europeko NimbleAI ikerketa-proiektuaren koordinatzailea ere bada.

2014an, Marie Curie ikerketa-beka jaso zuen NASAko Jet Propulsion laborategian (AEB) eta Arm (EB) enpresan ikerketa bat egiteko, Arm Cortex-R CPUaren akatsen tolerantzia hobetzeko teknikak aztertzeko eta espazioan erabili ahal izateko. 2016tik 2018ra EMEA unibertsitate-programaren kudeatzailea izan zen. 40 aldizkari-artikulu eta konferentziatik gora egin ditu eta 9 patente ditu ziurtatuta.

Armando Astarloa Teknologia Elektronikoan lan-katedraduna da Bilboko Ingeniaritza Eskolan. Lan- eta ikerketa-jarduera enpresa pribatuetako eta sektore publikoko diseinuen eremuan garatu du. 2010ean, System-on-Chip engineering enpresa teknologia sortu zuen, eta zuzendari nagusia izan zen bost urtez.

Iñigo Arizaga Telekomunikazioetako goi-mailako ingeniaria da Madrilgo Unibertsitate Politeknikoan. Bere ibilbidean zehar hainbat kargu izan ditu, besteak beste, teknologiako zuzendaria izan da Tecnaliaren Unitate Digitalean 2018tik 2022ra. 2022ko urtarriletik, Tecnaliako Teknologia Kuantikoen talde berria zuzentzen du.

Iñigo Adin ikertzailea da Donostiako CEIT ikerketa-zentroan, eta sistema elektronikoen eta Komunikazioen taldeko zuzendarietako bat da. Komunikazioen elektronikan aplikatzen diren zirkuitu integratuen diseinuan espezializatutako doktorea da. Hainbat argitalpen zientifiko egin ditu eta TECNUNeko (Nafarroako Unibertsitatea) irakaslea da, Donostian eta Madrilen.

Jon Mabe doktorea. Telekomunikazioen ingeniaritza (2005) ikasi zuen Bilboko Ingeniaritzako Goi Eskolan, Sistema Elektroniko Aurreratuen masterra (2007) eta Bioingeniaritzako masterra (2012) ditu, biak Euskal Herriko Unibertsitatekoak (EHU), eta Delfteko Unibertsitatean Smart Sensorsei buruzko prestakuntza aurreratua egin zuen (2012). 2017an, doktoretza atera zuen industrian aplikatzeko sentsore fotonikoak garatzeko metodologiei buruzko tesiarekin. 2005ean sartu zen Tenikerren eta hainbat ekimen eta sail teknologiko zuzendu ondoren, Merkatuko zuzendaria eta Teknikerreko Zuzendaritza Batzordeko kidea da 2021etik.

Ignacio Azpiazu Hub Advisoryko sortzaileetako bat eta bazkidea da. Bere ibilbide profesionala aholkularitza estrategikoko eta finantza korporatiboko hainbat enpresekin lotuta egon da. EIT Manufacturing-eko Negozioak Sortzeko Aholku Batzordeko kide ere bada, eta Tecnalia Lab-eko Zerbitzu Dibisioko Kontseiluko kide.

Ingeniari elektronikoa da eta Adimen Artifizialeko Masterra du (AI4GOV). Bere eskarmentu zabalari esker, AAren garapena eta aplikazioa sustatu ditu, sektore horretan enpresa berriak sortzea eta talentua garatzea sustatzen duen ekosistema indartsua artikulatuz.

Ikuspegi teknikoa garatzeaz gain, arreta berezia jartzen du AAren aurrerapenen inplikazio etikoetan, eta berrikuntza teknologikoa araudiarekiko, balio etikoekiko eta pertsonekiko errespetuarekin orekatzeko helburua du beti. AAk gure gizartea hobetzeko duen boterearen gainean uste osoa du eta teknologia horren demokratizazioarekin konprometituta dago.

Ingeniari industriala Euskal Herriko Unibertsitatean eta MBA IESEn. 15 urte baino gehiagoko nazioarteko esperientzia du aholkularitza estrategikoan eta kudeaketa-aholkularitzan. Gaur egun, Klusterreko energia eolikoaren arloko arduraduna eta itsasoko energia berriztagarrien arloan ELBE Europako aliantzaren koordinatzailea da.

Lexuri Vázquez Ingeniaritza Aplikatuan doktorea da Nafarroako Unibertsitatean (2016). Egun, LORTEKen ari da lanean, fabrikazio aditiboaren teknologien lantaldeko ikerlari. Aurretik, CEITen aritu zen 5 urtez, hauts-metalurgiaren arloan, eta, ondoren, Birminghameko unibertsitatean ikerlaria izan zen, SLM eta HIP arloetan. Esperientzia handia du WAAM eta SLMk hainbat aplikaziorentzako prozesatutako material metalikoen azterketan (aluminioaren aleazioak, altzairuak, Ti6Al4V, aleazio magnetikoak eta Ni oinarridunak). Metalaren fabrikazio aditiboa hainbat sektoretan zabaltzeko eta erakusteko Europako eta eskualdeko hainbat proiektu kudeatzen ditu eta teknikoki hartzen du parte horietan. Gainera, irakaslea da Soldadurako Nazioarteko Masterrean (IWE) eta Industriako Fabrikazio Aditiboaren Masterrean (Mondragon Unibertsitatea).

Zientzia Fisikoetan lizentziaduna Euskal Herriko Unibertsitatean eta Master ‘s degree Microecomics of Competitiveness Deustuko Unibertsitatean. 25 urtetik gorako esperientzia du berrikuntzako politika publikoen ikerketan eta garapenean, bai eta funts publikoen, publiko pribatuen eta nazioarteko lankidetzaren kudeaketan ere. Europako Batzordeko “The High Level Industrial Roundtable – Industry 2030” taldeko kidea eta “World Manufacturing Forum WMF”eko kide instituzionala izan da.

David González ingeniaria da Industria Automatiko eta Elektronikoan Mondragon Unibertsitatean (2005) eta Seinalearen prozesamenduaren eta Komunikazioen Masterra egin du Edinburgoko Unibertsitatean (2006). Ikerlaria da IKERLAN zentro teknologikoan 2007tik. Sistema Txertatuetako Zibersegurtasunaren ikerketa-taldeko arduraduna izan da azken 7 urteotan eta, egun, Industriako Zibersegurtasun Saileko arduraduna da. Bere ibilbidean zibersegurtasuneko eta segurtasun funtzionaleko baldintzak betetzen dituzten txertatutako plataformak diseinatu eta garatu ditu industriarako, garraiorako, osasunerako eta energiarako. I+G arloko hainbat proiektu gidatu ditu sektore horietako enpresentzat eta estatuko eta Europako hainbat ikerketa-proiektutan hartu du parte.

Basque Trade & Investment / Euskadiko Nazioartekotze Agentziako Enpresaren Nazioartekotzearen Zuzendaria da.

Eva María Domínguez Fernández Ingeniaritza Informatikoan lizentziatua da eta “Sistema Konplexuen” doktoretzaren graduondokoa du EHUn.

25 urtetik gorako esperientzia du Proiektuen Kudeaketan, Produktuen Garapenean eta I+G+b Proiektuen Koordinazioan. Hainbat sektoretan ekosistema digitalak sortzeko gidaria izan da, tartean, aireportuetan, tranbian, ticketingean, energian eta industrian.

Egun, Hispavista Labseko Operazioen zuzendari gisa, unitateko ildo estrategikoak lortzeko arduraduna da: Smart City Solutions, Industria 4.0, Aholkularitza, Garapena eta Digitalizazioa.

Ingeniari Industrial Mekanikoa Bilboko Ingeniaritza Eskolan.

21 urteko esperientzia Vidralan. 10 urte moldeak diseinatzeko nagusi gisa. 11 urte prozesuen berrikuntza arduradun gisa.

Negozioaren garapenerako arduraduna Inalian. Ingeniari mekanikoa Euskal Herriko Unibertsitateko (EHU) Ingeniaritza Eskolan eta industria antolakuntzarako goi mailako ingeniaria Euskal Herriko Unibertsitateko (EHU) Ingeniaritza Eskolan. Kalkuluen eta zenbakien simulazioaren graduondokoa. Proiektu mekanikoen eta fabrikazio-prozesuen ingeniari gisa aurretik izandako esperientzia (forjaketa eta estanpazioa). Irakaslea Elementu Finituen Bidezko Kalkulu eta Zenbakizko Simulazioaren graduondoko ikastaroetan, Euskal Herriko Unibertsitatean (EHU).

GH Cranes&Componentseko I+G+b arloko proiektuen kudeaketa saileko arduraduna Ingeniari tekniko mekanikoa Mondragon Unibertsitatean eta ekoizpenaren mekanizazioan Goi Mailako Lanbide Heziketako Zikloa MGEPen.

Giza Baliabideen eta Kudeaketa Sistemen managerra Ingeteamen.

Biologia Zientzietan lizentziatua da EHUn, Bioteknologiako Masterra egin zuen (Strachclyde University), baita Enpresen Administrazioko (ESEUNE) eta Elikadura Enpresen Zuzendaritzako (Instituto internacional San Telmo) masterrak ere.  
Ikerketan, ekintzailetzan eta kudeatzaile postuetan esperientzia handia du, hainbat enpresatan aritu baita; Ikertek Diagnostics, Azti-Tecnalia eta Lekunberriko Laktologia Institutua. BASQUE FOOD CLUSTERRA zuzentzen du Jon Anderrek 2009an sortu zenetik eta Euskadin elikagaien balio-kate jasangarriagoa lortzeko berrikuntza eta lehiakortasuna sustatzeko egiten du lan.

Olga Martin Aclima, Basque Environment Clusterreko zuzendaria da. Zientzia Kimikoetan lizentziatua da eta Executive MBA egin zuen. Olga ACLIMAko zuzendari nagusia da 2019tik. Ingurumen-kudeaketan aditua da eta esperientzia handia du Industriako Zuzendaritza postuetan. Halaber, sektorearen ordezkari-lanak egin ditu Europan. Klusterrean indarrean dagoen plan estrategikoaren zabalpena ere gidatzen du Olgak. Europako Green Dealekin eta Agenda 2030ekin lerrokatuta dago plana. Euskadiko ingurumen-sektoreko ordezkaria denez, Industria Lehiakortasunean eta Ingurumenean eskumenak dituzten erkidegoko eta estatuko ordezkari publikoekin harreman estua du. Klusterraren ekimenetatik abiatuta, ingurumen-sektorearen berrikuntza eta nazioartekotzea sustatzen du eta negozio- eta enpresa-eredu berriak sortzea bultzatzen du.

Iñaki Ugarte EUSKADIKO PAPERAREN KLUSTERRA ELKARTEKO gerentea da. Zuzendaritza komertzialarekin eta esportazioarekin lotutako esperientzia du, baita marketinarekin, kalitatezko sistemen kudeaketarekin eta EFQM ereduan (EUSKALITEN ebaluatzailea) oinarritutako bikaintasunarekin lotutakoa ere. Esperientzia kudeaketan: kudeaketa-planak eta plan estrategikoak. Sortzea, exekutatzea eta jarraipena egitea. Etengabeko hobekuntza Lantaldeen kudeaketa, talde-lana.

Ingurumen Zientzietan lizentziatua da Salamancako Unibertsitatean eta Ingurumen Ingeniaritzako masterra egin zuen Madrilgo EOIn. 14 urtetik gorako esperientzia du industriako jasangarritasunaren arloan: 
BUNGE IBÉRICA enpresan egin zuen lan 8 urtez, eta Espainiako Ingurumen Koordinatzaile izatera heldu zen. 3 industria-fabrika izan zituen bere kargu. Ondoren, COSENTINO enpresan jardun zuen 6 urtez. Ingurumen Ingeniari funtzioekin hasi zen eta Ekonomia Zirkularreko I+G+b proiektua zuzentzera igaro zen ondoren, 2 urtez. Azken urteetan, Ingurumen Aztarnaren arduraduna eta enpresako ACV izan zen. Egun, Siderurgia Klusterreko Ingurumen eta Energia arduraduna da, eta Espainiako altzairu-fabrika nagusiei aholkularitza eta zerbitzu teknikoak eskaintzen dizkie, deskarbonizazioaren eta ekonomia zirkularraren gainean bereziki. Halaber, ESADEk eskaintzen duen Ekonomia Zirkularreko ikastaroko irakaslea da eta teknolurzoruei buruzko patente bat lortzeko proiektuan hartu du parte. Halaber, artikulu zientifikoa argitaratu du horri buruz.

Erakundeen Psikologian lizentziatua da Deustuko Unibertsitatean eta Pertsonen eta Taldeen Coaching Masterra egin zuen Mondragon Unibertsitatean. Prestakuntza osagarria du Zuzendaritzari, Kudeaketari eta Lidergoari buruzko hainbat programatan. Esperientzia zabala du hainbat sektoretako Giza Baliabideen arloan: aholkularitzan (Mossa Thomas International), 14 urtez Estatu Batuetako automobilgintzako enpresa multinazional batean (Tenneco Automotive), eta, ondoren, retail eta hotelen sektorerako elikadurarako ekipo-ondasunen fabrikazio industrialeko enpresa batean 15 urtez. Etikako irakaslea izan da LEINN graduan, Mondragon Unibertsitatean, eta Gipuzkoako Enpresetako Pertsonen Sailetako Zuzendarien Komunitatearen parte da. Bere ibilbidean zehar, Silviak kudeaketa-erantzukizunak izan ditu giza baliabideen arlo guztietan: Kultura, Lidergoa, Talentuaren Erakarpena eta Garapena, Barne Komunikazioa, Konpentsazioa, Negoziazioa...

Hemant Agarwalek 20 urteko esperientzia du nazioarteko negozioetan. Mumbaiko ITT prestigiotsuan lizentziatu zen eta Nazioarteko Negozioen Estrategiari buruzko graduondokoa du. Egun, BT&Iren zuzendaria da Indian.

ASEANeko eskualdeko posizioetan 10 urteko esperientzia duen profesionala da. Masterra du Nazioarteko Negozioetan, eta Euskadiko Nazioartekotze Agentziaren zuzendaria da Singapurreko bere bulegoan. Bertatik, negozio-aukerak sustatzen dituzte eta ASEAN Komunitateko herrialdeetan dauden euskal enpresei laguntza ematen diete.

Tinus van der Pasek T. Talent sortu zuen 2013an. Urte askotan ingeniaritzako irakasle, laneko aholkulari eta nazioarteko proiektuen zuzendari aritu ondoren, ohartu zen bere unibertsitateen eta enplegatzaileen sare handiarekin zerbait baliotsua egin zezakeela: ikasle/gazte graduatuen eta enpresen artean loturak sortzea.
 

Londreseko BTI bulegoko zuzendaria da. 20 urtetik gorako esperientzia du nazioarteko negozioen garapenerako aholkulari gisa, Txinan, AEBn eta Erresuma Batuan. Zuzenbide Ekonomikoan lizentziatua da Deustuko Unibertsitatean, Nazioarteko harremanen Diploma atera zuen Johns Hopkins unibertsitatean, eta MBA masterra Southern California Unibertsitateko Marshall School of Businessen.

Ecem Toprakseven Gülfidan 2022ko azarotik da Basque Trade & Investment’s-en Turkiako bulegoko zuzendaria. Nazioarteko negozioetan eta inbertsioetan eskarmentu handia du, Turkian nagusiki.

Saileko zuzendaria da eta 20 urtetik gorako esperientzia du giza baliabideen arloan, hainbat enpresa eta sektoretan. Bere ibilbide profesionalaren zatirik handiena pertsonei eta haien garapenari bideratuta egon da. 
Psikologian lizentziatu zen eta Giza Baliabideen Zuzendaritzako Graduondokoa, LAPko Goi Mailako Teknikari Gradua eta Coaching Ontologikoko Masterra egin zituen.
Pertsona dinamikoa, malgua, ekintzailea eta lan-ingurunean harreman positiboak ezartzeko gaitasuna duena da. 
Esperientzia handia du pertsonen hautaketak-, prestakuntza- eta kudeaketa-zereginetan. Saileko zuzendaria da eta 20 urtetik gorako esperientzia du giza baliabideen arloan, hainbat enpresa eta sektoretan. Bere ibilbide profesionalaren zatirik handiena pertsonei eta haien garapenari bideratuta egon da. Psikologian lizentziatu zen eta Giza Baliabideen Zuzendaritzako Graduondokoa, LAPko Goi Mailako Teknikari Gradua eta Coaching Ontologikoko Masterra egin zituen. Pertsona dinamikoa, malgua, ekintzailea eta laneko ingurunean harreman positiboak ezartzeko gaitasuna duena da. Esperientzia handia du pertsonen hautaketa-, prestakuntza- eta kudeaketa-zereginetan

Pertsona lehiakorra, moldakorra, langilea, autoexigentea, irekia eta taldean lan egiteko prestatua naiz. Global Training programan hartu nuen parte 2021ean, Herbehereetan, sentsore biomedikoen enpresa batean.

Industria-diseinuko ingeniaria da Mondragon Unibertsitatearen Goi Mailako Eskola Politeknikoan eta Delft Unibertsitate Teknologikoan (Herbehereak) integratutako produktuen diseinuaren masterra egin zuen. Egun, berrikuntzako arduraduna da IGESTEKen, enpresaren berezko proiektuak eta bere bezeroenak koordinatzen ditu, polimeroen eta material konposatuen arloan.
10 urtez proiektu teknologiak garatu ondoren, enpresa-ekosistema jasangarria izateko duen ikuspegiak teknologia berrien, pertsonen talentuaren eta gure ingurunearekiko errespetuaren alde egiten du, modu orekatuan.

Sonia Flórez Fernández zientzietako doktorea da EHUn (2007). 1995eko urtarrilean sartu zen TECNALIAn (Inasmet). Egun, proiektuen zuzendaria da TECNALIAko Industria eta Mugikortasun Unitateko Prozesuen eta Materialen Sailean. Bere jarduera profesionalean irtenbideak bilatzen ditu egiturak arintzeko. Itsasgarriekin eta funtzio anitzeko materialekin elkartzeko teknologia-ildoak zuzentzen ditu. Teknologia horren parte da Buckypaper Aktibo teknologikoa. Karbonozko nanohodietan oinarritutako xaflen fabrikaziorako instalazio pilotua da hura.

I+G+b proiektu askotan hartu du parte eta asko zuzendu ditu, industriako hainbat sektoretan. Prozesuen optimizazioan, errendimenduen hobekuntzan eta irtenbide berritzaileen diseinuan espezializatu da. Atxikidura eta Itsasgarrien Espainiako Taldeko (GEAA) kidea da, Atxikidura eta Itsasgarrien Kongresuko Batzorde Zientifikoko kidea, Cesoleko kidea eta Materplaten (Material Aurreratuen eta Nanomaterialen Espainiako Plataforma Teknologikoa) Kudeaketa Batzordeko kidea. Argitalpen zientifikoen eta 3 patenteren egilea eta egile-kidea da.

Irakasle emeritua (Valentziako Unibertsitatea) Filosofian eta Letretan lizentziatua (1975) eta doktorea (1977) da (Valentziako Unibertsitatea), eta Psikologian lizentziatua (1976) (Madrilgo Unibertsitate Konplutentsea). Psikologia Sozialean eta Erakundeetakoan Katedraduna da (1984-2020) (Valentziako Unibertsitatea). Honoris Causa Doktorea da Coimbrako Unibertsitatean (2023), Federico Villarreal Unibertsitate Nazionalean (2020), Maastrichteko Unibertsitatean (2019), Elxeko Miguel Hernández Unibertsitatean (2017) eta Unibertsitate Metodistan (Sao Paulo, 2010). Valentziako Unibertsitateko irakasle emeritua da eta IDOCAL Unibertsitateko Ikerketa Institutuko zuzendari sortzailea eta Psikologia Aplikatuaren Nazioarteko Elkarteko presidentea (2011-2014) izan da. 65 liburu eta atal baino gehiago idatzi ditu, eta 2006tik, 200 artikulu baino gehiago argitaratu ditu.
Espezializazioa: gazteen lan-munduratzea, zerbitzuaren kalitatea, erakundeetako giroa eta kultura, lantaldeak, IKTen (informazioaren eta komunikazioaren teknologiak) alderdi psikosozialak eta arrisku psikosozialen prebentzioa.

Informatikako ingeniaria da eta exekutibo masterra egin zuen. 26 urteko esperientzia du eraikuntzaren industrian, hainbat lanpostutan; azterketa, kalitatea eta ingurumena, proiektuen arduraduna… Gaur gaurkoz, FHIMASAko Negozioaren Garapenaren eta Berrikuntzaren zuzendaria da.

Josu Bilbao doktorea Telekomunikazioko ingeniaria da Bilboko Ingeniaritza Eskolatik (EHU), EHUk emandako diploma du komunikazioetako eta kontroleko ikasketa aurreratuetan eta Telekomunikazioko Ingeniaritzan doktorea da Nafarroako Unibertsitatetik.

Bilbao doktorea IKERLANeko (teknologiaren transferentzian liderra den zentro teknologiko probatua, MONDRAGON Korporazioko eta BRTAko kidea) Elektronika, Informazioa eta Komunikazioak Unitateko zuzendaria da.

Josu hainbat sektoretarako plataforma digitalen estrategiak eta garapena definitzeaz arduratu da eta horietako batzuk dira hauek: garraio adimentsua, energiaren sektorea edo 4.0 industria, besteak beste. Hainbat proiektu industrial zuzendu du, konektagarritasun pertsonalizatuko soluzioak eta Edge-to-cloud arkitekturak dituzten txertatutako sistemen garapena eta diseinua barne.

Bilbao doktorea IEEE Senior Member da eta visiting scientist izan da MITen; besteak beste, IEEE ISPLCren best paper award saria jaso du. Gaur egun, rol aktiboa du hainbat estandarizazio-batzordetan, eta bere interes-eremuen artean komunikazio fidagarriak, Edge-to-cloud arkitekturak eta adimen artifiziala daude.

Metrología Sarikiko zuzendari kudeatzailea da. Administrazioan eta enpresen zuzendaritzan lizentziatua da eta kudeaketa-informatikako ingeniari teknikoa da Deusto Business Schoolen. 2017an sartu zen Metrología Sarikin eta 2019tik enpresako zuzendari kudeatzailea da, erakundeak digitalizaziorako eta negozioaren zerbitzaritzarako duen eraldaketa gidatuz.

Technical Service ingeniaria da txaparen tailerrean. Aurretik, fabrikako zerbitzu teknikoetan aritu da Gasteizko Mercedes-Benzen.

25 urteko esperientzia du mantentze-lanetan eta ekoizpenean SAICA Group, SIDENOR eta ACS enpresetan.

6 proiektu egin ditu BIND4.0 programaren barruan.

Eraldaketa Digitalaren eta Ekintzailetzaren zuzendaria<br/>Ekonomiaren Garapen, Jasangarritasun eta Ingurumen Saila – Eusko Jaurlaritza

Lanbide Heziketako sailburuordea. Hezkuntza Saila – Eusko Jaurlaritza

Zientzia Ekonomikoetan eta Enpresa Zientzietan lizentziatua da Sarrikoko ekonomia Fakultatean (EHU). Enpresen Zuzendaritza eta Administrazioko Masterra egin zuen I.E.S.E Negozio Eskolan, eta “Eskualdeko Lehiakortasuna eta Garapena” ikasketak egin zituen Deustuko Unibertsitatean, Harvardeko Unibertsitatearekin lankidetzan.

Nire ibilbide profesional gehiena Euskal Enpresarien Konfederakuntzan – Confebask – garatu dut. 20 urte baino gehiagoz Ekonomia-Zerga Saileko arduradun gorena izan naiz, eta egun zuzendari nagusia.

Erakundeen ordezkaritzaren eta parte-hartzearen arloan, CEOEko Zuzendaritza Batzordeko eta bere Idazkari Nagusien Batzordeko kidea naiz, baita Euskadiko eta Estatuko Ekonomia eta Gizarte Batzordeko eta SPRIren Batzordeko kidea ere. Halaber, Kalitatearen Sustapenerako Euskal Fundazioaren (Euskalit) sortzailea eta aholkularia, Industria Suspertzeko, Berregituratzeko eta Bultzatzeko Ezohiko Planaren Jarraipen Batzordeko kidea eta Estatistikaren Euskal Institutuko (Eustat) kidea, baita Euskadiko Nazioartekotze Batzordeko eta CEOEko Industria eta Zerga Politika Batzordeetako kidea izan naiz.

15 urte baino gehiago daramatzat hainbat kontinentetan bizitzen eta lanean: Europan (Alemania), Asian (Turkia eta Txina) eta Latinoamerikan (Mexiko). Nazioartekotzea ezinbestekoa da nire ibilbidean. Enpresei nazioartekotzeko prozesuan, eta merkatu eta bezero berrienganako dibertsifikazioan lagundu izan diet beti, mundu osoan zehar. 2014an, Eusko Jaurlaritzan hasi nintzen lanean, Enpresen Nazioartekotzearen Zuzendaritzaren buru, eta 2018ko urtarriletik, BasqueTrade & Investmenteko zuzendari nagusia naiz.

Juan Gamboa, Orkestrako Ikertzailea, Psikologian lizentziaduna da eta Erakundeen eta Lanaren Psikologian doktorea. Kontsumitzailearen Psikologian graduondoko ikasketak ere baditu.

Hezkuntzaren eta enpleguaren arteko harremana izan du ikerketan eta irakaskuntzan aztergai nagusi, bereziki enplegagarritasuna, laneratzea, enpleguaren kalitatea, gaitasunak eta lan ibilbidearen garapena.

Ikerketari dagokionez, azterketa aplikatu eta zientifikoak argitaratu ditu artikuluetan, liburuetako kapituluetan eta ikerketa txostenetan. Halaber, aurkezpenak egin ditu biltzarretan eta nazioarteko bilkuretan.

Irakaskuntzan, hainbat gaitan eta unibertsitatetan diseinatu eta eman ditu ikastaroak, eta master amaierako lanak zuzendu eta ebaluatu ditu. Hezkuntzari lotutako ikerketa produktuetan eta nazioarteko proiektuetan kanpoko ebaluatzaile izan da.

Ikertaldeen eta proiektuen ardura ere izan du. Enpresa esparruan, esperientzia du giza baliabideen arloan eta enpresetan egiten diren ikerketa proiektuetan.

Laura Marrón telekomunikazioen ingeniaria da eta exekutibo masterra egin zuen, 15 urtetik gorako eskarmentua du arlo teknologikoetan. Basque Artificial Intelligence Centereko zuzendari nagusia da 2022an abian jarri zenetik. Euskadiko industrian adimen artifizialaren ezarpena azkartzeko helburuaren liderra da, eta Euskadi nazioartean erreferentziazko interesgune gisa kokatzea dute xede.

Enpresen kudeaketari buruzko bere ikuspegia teknologia berriak ezartzeko etikan eta erantzukizun sozialean oinarritzen da, eta erabilgarritasunean jartzen du arreta, trantsizio digital irisgarria sustatzeko.

Aurretik, sektore energetikoan garatu zuen ibilbide profesionala, enpresen eta proiektuen kudeaketara bideratuta. I+Garen arlo teknikotik hurbil ibili da beti, baita estrategiatik eta negozioaren garapenetik gertu ere. Ezagutza handia du industriako produktuen garapenaren eta ekoizpenaren erronkei buruz. Smart Grids, Smart Metering, eta Komunikazioetan oinarri tekniko sendoa du eta erreferente teknologikoa da sektorearen barruan.

Fernando Sáenz Savvy Data Systemseko zuzendari kudeatzailea eta sortzaileetako bat da. Azken hamabost urteotan, kudeatzaile-lanak egin ditu haien jarduera nagusia digitalizazioarekin lotuta dagoen enpresetan, eta egiaztatu ahal izan du datuen ustiapen adimendunak nabarmen hobetzen dituela emaitzak enpresaren hainbat esparrutan. Hala, fabrika baten kasuan, digitalizazioa helburu izan beharrean, negozioan benetako inpaktua lortzeko bitartekoa dela ulertu du. Bere lanean, 200 industria-enpresa baino gehiagotako arduradunak elkarrizketatu ditu, analisi-zerbitzu digitaletarako konexioan parte hartu du 600 fabrika baino gehiagorentzat, eta analisi-ingurune indartsu baten diseinua, garapena eta merkaturatzea sustatu ditu. Hori guztia dela eta, Fabrikazio Aurreratuko eta Digitaleko Berrikuntzako Sari Nazionala jaso du.

20 urtetik gorako esperientzia du fabrikazio aurreratuaren arloko taldeak zuzentzen, eta berrikuntza da bere ardatz nagusia. Berrikuntza estrategikoan doktoretza egin zuen, industria-antolaketaren ingeniaria da eta finantza-zuzendaritzaren eta negozioetarako AAren prestakuntza du. Egun, Danobatgroup industria-taldearen zuzendaria da, IDEKO zentro teknologikoko zuzendari kudeatzailea (fabrikazio aurreratuaren teknologietan espezializatua), eta Savvy Data Systemseko (industriaren eraldaketa digitalean espezialistak), UPTEKeko eta Fabrikazio Aeronautikoaren Tekniken Garapenerako Enpresen Elkarteko (CFAA) presidentea.

Azken urteotan, adimen artifizialaren arloan espezializatu eta aritu da, eta Basque Artificial Intelligence Center-BAICek jorratutako erronka teknologikoetan parte hartu eta aktiboki jardun du. Halaber, bat egin du AAren talentua sustatu, konektatu eta garatzeko xedea duen Shaking Hub komunitate irekiarekin bat egin du. Horrez gain, hainbat administrazio-batzordetako kidea da (BCN3D Technologies, Endity-NDTren irtenbideak eta zerbitzu integralak eskaintzen dituen industria-eragilea, Innguma-adimen lehiakorraren eta zaintza teknologikoaren softwarea), eta erabakiak hartzeaz gain, bitartekaria ere bada.

VERSIAko Presidente Exekutiboaren ondokoa da 2019tik eta negozio-estrategien eta harreman instituzionalen funtzioez arduratzen da. Halaber, Gaia Klusterreko, Basque Artificial Intelligence Centerreko (BAIC) eta BAIDATA elkarteko zuzendaritza batzordeetako kidea da, baita Tecnaliako Unitate Digitaleko Kontseiluko kidea ere. 2009tik, ESLE Euskadiko Teknologia Libreen eta Ezagutza Irekiaren enpresen elkarteko kidea da, eta elkartearen kudeaketan egon da hamaika urtez.

Aurretik, hainbat zuzendaritza-postu izan ditu Versian; erosketen arduraduna, eta Versiako Azpiegiturak eta Versia Sistemak sailetako operazioen zuzendaria. 20 urtetik gorako eskarmentua du ITen sektorean, kudeaketa- eta estrategia- postuetan.

Bere ibilbide profesional osoa CAFen garatu du, trenen ikerketaren hainbat arlotan. Egun, I+G proiektuen kudeaketaren arloko burua da, eta Modelizazioko eta Adimen Artifizialeko, Komunikazioetako eta Digitalizazioko, eta Sistema Txertatuen lanetako taldeak zuzentzen ditu (HW & SW).

Ainitze industria-ingeniaritzan graduatua da Nafarroako Unibertsitateko Ingeniaritza Eskolan, 2010ean. Gradu-amaierako bere proiektua Safer-en (Vehicle and Traffic Safety Centre) egin zuen Chalmerseko Unibertsitatean (Göteborg, Suedia), eta automobilgintzako simulazioetan gizakiaren gorputzaren modelaketa landu zuen. 2015ean amaitu zuen doktoretza Nafarroako Unibertsitatean eta CEITen, hainbat ehun bigunen propietate mekanikoen ezaugarriei eta ereduei buruz. 2016an, Tübingeneko Unibertsitateko (Alemania) Otorrinolaringologia Sailean sartu zen belarriko inplante berritzaileak garatzeko ikerlari gisa. 2020ko martxoan, Cyber Surgeryn sartu zen eta Berrikuntzako arduraduna da egun.

Zientzia Kimikoetan lizentziatua. Graduondokoa material plastikoetan eta compositeetan. 30 urte baino gehiagoko esperientzia du teknologiaren garapeneko eta ikerketako proiektuetan gero horiek enpresara transferitzeko helburuarekin. Esperientzia handia du plastikoen prozesamenduan eta material berrien garapenean. Lan handia egin du hondakin-fluxuak birziklatzeko instalazio berritzaileak diseinatzen eta eraikitzen. Esperientzia du I+G+b arloko proiektuak koordinatzen eta horietan parte hartzen (Estatu mailan eta nazioartean) gai hauekin (1) lotuta: ekonomia zirkularra eta kontsumo aurreko eta osteko hondakinen birziklapena (hiri-hondakinak, haien bizitza erabilgarriaren amaieran dauden ibilgailuak, ekipo elektriko eta elektronikoen hondakinak, ontziak, ehunak eta abar (2) lan mekanikoen garapenean eta aplikazioan (konbentzionalak eta sentsoreetan oinarritutakoak) hondakin-fluxuen tratamendurako eta gaikako bilketak metatzeko (plastikoak, metalak eta abar) eta materialen ziklo-amaierarekin (3) lotutakoak: birziklapen-prozesuen eta -lanen ingurumen, ekonomia eta gizarte mailako ebaluazioa. Esperientzia I+G arloko negozio eta proiektu berriak garatzen eta bezeroaren beharrak asebetetzen soluzio berritzaileen hornitzaile gisa. Ekarpen aktiboa ingurumen-teknologiekin lotutako hedapeneko eta prestakuntzako ekitaldietan. Bere jardueretako batzuk Linköping-eko (Suedia) Zientzia Forentseen Laborategian, I+G arloko sailean, garatu ditu. Gaur egun, GAIKEReko Ekonomia Zirkularraren eta Birziklapenaren Taldeko merkatu-jardueren arduraduna eta ikerlari nagusia da.

Ingurumen zientzietan lizentziatua Universitat Autònoma de Barcelnonatik (2002), Fisika Aplikatuan Doktorea Universidad de Navarratik (2009) eta Berrikuntza eta zientziaren kudeaketan masterra Universidad Politécnica de Valenciatik (2021). Bere bizitza profesionalean hainbat ikerlari postutan jardun du, bai mundu akademikoan eta bai enpresa munduan ere. Bere ikerketa lerro nagusiak ingurumen teknologiekin dute lotura, hala nola ur-zikinen tratamendu aurreratuekin eta baliabideen errekuperaketarekin.

Gaur egun BRTA (Basque Research & Technology Alliance) erakundeko ezagutzaren transferentziaren arduraduna da. Bere lan ildo nagusia aliantza osatzen duten zentroetan sortzen den ezagutza enpresetara bideratzea da, azken hauek lehiakorragoak izan daitezen. Finantza jasangarrien europar plataformako kidea izan da.

Ekonomia Zientzietan lizentziaduna Euskal Herriko Unibertsitatean eta Lurralde Plangintzan eta Ingurumenean Masterra London School of Economicsen. Europako Batzordeko aditua da ingurumenaren eta lehiakortasun ekonomikoaren arloan.

Eusko Jaurlaritzako Ingurumen eta Klima Aldaketaren Zuzendaria izan da. 20 urte baino gehiago daramatza Ihobe Eusko Jaurlaritzako Ingurumen Sozietate Publikoan lanean, ingurumen-plangintzaren arduradun gisa. Gaur egun, Ihobeko Zuzendari nagusia da.

Alderdi akademikoari dagokionez, hainbat unibertsitatetan graduondoko klaseak eman ditu arlo hauetan: 2030 Agenda, ingurumen-berrikuntza, ekonomia zirkularra eta klima-aldaketa.

Euskal Herriko Unibertsitateko Geologia Zientzietako Graduko lizentziaduna eta Ingurumen Ingeniaritzako masterra, Arabako, Gipuzkoako eta Nafarroako Industria Ingeniarien Elkargo Ofizialean. Ingurumen-ingeniaritzako, hondakin-uren kudeaketako, aireko eta zaratako eta hondakinen kudeaketako hainbat arlotan espezializatuta dago.

1998 eta 2008 bitartean, Eusko Jaurlaritzako Ingurumen eta Lurralde Antolamendu Sailaren barruan, Plangintza Hidrologikoaren eta Itsasertzaren eta Kostaldeen arduraduna eta Hondakinen Kudeaketaren arduraduna izan ziren. 2008an, Uraren Euskal Agentziako (URA) Mendebaldeko Kantauriar Arroen Bulegoko baimen eta emakiden arduradun izendatu zuten.

Unibertsitateko eta Administrazio Publikoko hainbat taldetan aritzen da irakasle gisa, kudeaketaren, zuzenbidearen eta ingurumen-ingeniaritzaren arloetan.

Jose María Fernández Alcalá Eusko Jaurlaritzako Ihobe Ingurumen Agentziaren Ekonomia Zirkularreko zuzendaria eta Basque Ecodesign Centerreko arduraduna da. Euskadiko ekodiseinuaren eta ekonomia zirkularraren aliantza publiko-pribatua da erakunde hori. 15 urtetik gorako esperientzia profesionala du enpresa pribatuetan eta administrazio publikoan. Industria Ingeniaritza ikasi zuen Bilboko Ingeniaritzako Goi Mailako Eskolan (euskal Herriko Unibertsitatea), eta Ikasketa Aurreratuen Diploma eskuratu zuen bertan, “Industriako Produktuen Diseinu Ekologikoaren Ingeniaritza” lanarengatik. Ekodisienuari eta bizi-zikloaren azterketari buruzko hainbat argitalpen egin ditu, eta Europar Batasuneko hainbat batzorde teknikotako kidea da Bruselan, baita produktuaren diseinuaren eta normalizazioaren arloko estatuko eta nazioarteko hainbat batzordetako kidea ere (UNE eta ISO batzordeak).

Eva Arrilucea Ekonomian doktorea da EHUn, eta Negozio eta Teknologia Zuzendaritzan aditua Deustuko Unibertsitatean. 20 urte baino gehiagoko esperientzia du Europan, Latinoamerikan eta Ekialde Ertainean berrikuntzako politikak eta politika teknologiak garatzeko eta ezartzeko administrazio publikoei aholkularitza ematen. Gaur egun, Think&Do estrategiaren taldeko arduraduna da Tecnalia Research and Innovationeko Zuzendaritza Nagusian.

Ainara García Gallastegui Teknologiaren transferentziaren zuzendaria da nanoGUNEn. Kimikan doktorea da UPV/EHUn eta Kudeaketako masterra egin zuen Deustuko Unibertsitatean. 10 urtez Londresen garatu du ibilbide profesionala. Industriako proiektuak zuzendu ditu Imperial College Londonen, University College London (UCL) Unibertsitatean, eta teknologiaren transferentziari buruzko nazioarteko proiektuen kargu ere egon da.

Politika publikoetan aditua, 10 urteko esperientzia duena EBko kanpo-politika eta -arazoetan, enpresa-garapenean, alde anitzeko eta eskualdeko lankidetzan, garapen globalean eta EB-Afrika harremanetan | Zientzietako maisutza ‘Politika Publikoetan, Globalizazioan, Merkataritzan eta Garapenean’ eta B.A.n ‘Europako Azterlanetan’ | Gaur egun, EBko eskualde-lankidetzan dihardu industrian eta berrikuntzan, eta enpresei laguntzeko tresna publikoetan.

Olena Bilobrova aditua da Ekintzailetzako eta Esportazioak Sustatzeko Bulegoan (Ukraina), eta esperientzia du merkataritza-sustapeneko eta inbertsioetako ekitaldiak garatzen eta ezartzen, hala nola misio komertzialak, negozio-bilerak, azokak eta pabiloi nazionalak EBn eta Asian.

Xabier Alberdi doktorea da enpresen lehiakortasunean eta garapen ekonomikoan, Deustuko Unibertsitatean (Europako aipamena: CIRCLE Suedia). Klusterren ebaluazioan eta berrikuntza-sistemetan jarri du arreta bere tesian. Berrikuntzako masterra egin zuen, eta espezialista da bitartekaritzan eta sektorearen dinamizazioan, oinarri teknologiko-digitala duten proiektuetatik abiatuta. Egun, ODC GAIAko programa digitalaren koordinatzailea da eta BMHko diseinu estrategikoaren arduraduna eta koordinatzaile nagusia.

Nazioarteko Harremanetan eta Zuzenbidean lizentziatua da Varsoviako Unibertsitatean, Polonian. Esperientzia handia du B2B ingurunean. Enpresaren garapen-estrategiak diseinatu ditu, merkatu berrietara sartu da, produktu berrien komertzializazioan aritu da, produktuak nazioartean sustatzeko kanpainak egin ditu, proiektu konplexuak kudeatu ditu, merkatuaren ikerketan aritu da, negoziazioan, kontratuen azterketan, aurrekontuak egin ditu, eta harreman publikoetan eta PAn aritu da.

Industria Ingeniaria eta Ingeniari Tekniko Mekanikoa Mondragon Unibertsitatean. TEKNIKER Zentro Teknologikoan egin du bere ibilbide profesionala 2003tik, eta doitasun handiko baldintzetan makina eta ekipo mekatronikoen diseinuan eta garapenean espezializatu da. Esperientzia handia proiektuen zuzendaritzan eta kudeaketan. Gaur egun, TEKNIKERen espezializazioa koordinatzen du sektore biosanitarioko eta osasuneko ekipo elektromedikoen diseinuan eta garapenean. Gailu eta ekipamendu biomedikoen garapenean parte hartu du, bai ospitaleetarako, bai osasunaren sektoreko enpresetarako. Osasunaren eta zientziaren arloarekin zerikusia duten hainbat argitalpen zientifikotan eta patentetan parte hartzen du.

Sistema mekatronikoen koordinatzailea eta Teknikerren Zientziaren Industriaren arloko koordinatzailea izan da.

Ingeniaritza biomedikoko tituluak lortzeko hainbat TFM eta TFGren tutorea da .

Esperientzia dauka bertako eta nazioarteko laborategietarako ekipamendu zientifikoa garatzen, saiakuntza-bankuak garatzen eta industria-fabrikazioko makinak eta prozesuak garatzen.

Doktorea da kimikan eta ibilbide profesionalaren lehen zatian ikerlaria izan da hainbat ikerketa-zentrotan. Azken urteotan, proiektuen kudeaketan aritu da. MetaIndustry4 klusterreko kide gisa, lankidetza-proiektu nazionalak koordinatzeaz arduratzen da eta Europako proiektuak kudeatzen ditu hala nola energia Industria Intentsiboaren, Materialen eta Fabrikazio aurreratuko teknologien sektorean.

Tom TerBush EPRIko (Electric Power Research Institute) Zerbitzu Teknikoen eta Kideen presidenteordea eta EPRI Internationaleko presidentea da. EPRIren finantzaketa orokorraren eta Estatu Batuetako eta beste 45 herrialde baino gehiagotako kideekin eta erakunde laguntzaileekin egindako lankidetzaz arduratzen da, EPRIk berrikuntza bultzatzeko bere gain hartutako konpromisoarekin lotuta. Horren guztiaren bidez, mundu osoan zehar energia segurua, fidagarria, merkea eta garbia ziurtatu nahi da.
1997an EPRIn sartu zenetik, TerBushek hainbat postu bete ditu Europan, Asian eta Ipar Amerikan gai hauekin lotuta: ekonomia, energia nuklearra, energia-hornikuntza, salmenta, marketina eta teknologiaren transferentzia. EPRIn sartu aurretik, Estatu Batuetako eta Japoniako hainbat erakunderekin batera egin zuen lan energiarekin lotutako ekonomian, teknologian eta desregulazioan.
TerBush-ek George Mason Unibertsitatean Ekonomia Zientzietan doktoretza du. Bertan, energiaren ekonomian eta energia-araudiaren, energia-merkatuen eta errendimendu ekonomikoaren arteko elkarreraginean espezializatu zen.
EPRIri buruz: Gizartearen onurarako oinarrizko misio du EPRIk. Pentsamendu-lidergo independentea eta objektiboa eta industria mailako espezializazioa eskaintzen ditu energiaren sektoreak ikerketa- eta garapen-programa eraginkor eta kolaboratiboen bidez bideratu ditzakeen arazoak, teknologia mailako hutsuneak eta behar zabalagoak identifikatzen laguntzeko. 
EPRI 1972an sortu zuten Palo Alton (Kalifornia) eta irabazi-asmorik gabeko erakundea da. Energiaren ikerketa, garapena eta hedapena dira bere helburuak eta espezializaziorako hiru laborategi ditu. EPRIk, gainera, Europako/Ekialde Ertaineko/Afrikako hamar herrialde baino gehiagotan, Asian eta Amerikan langile ugari ditu EPRI International Inc. filialari esker. Ikerketa arloa Irlandako egoitzan du kokatuta: EPRI Europe DAC.
EPRIren adituek 45 herrialdetako 450 enpresa baino gehiagorekin egiten dute lan, eta berrikuntza bultzatzen dute jendeak mundu osoan zehar elektrizitaterako sarbide garbia, segurua, fidagarria, merkea eta bidezkoa duela ziurtatzeko.

Alvaro Bertelsen Vicomtecheko Osasun Digitalaren eta Teknologia Biomedikoen saileko ikerlari seniorra da. 2007an, Ingeniaritza Zientzietako Masterra atera zuen Txileko Pontificia Universidad Católican eta 2012an Ingeniaritza Biomedikoko Doktoretza amaitu zuen Nafarroako Unibertsitatean. Ikerlari laguntzailea izan da Imperial College Londoneko (Erresuma Batua) irudien zientziaren sailean. 2009 eta 2012 artean, doktoretza-ikasketak egin zituen Gipuzkoako Azterketa eta Ikerketa Teknikoen Zentroan (CEIT-IK4) —Nafarroako Unibertsitatearen bazkidea da—, eta kirurgia robotikorako irudietan oinarritutako plangintza- eta nabigazio-teknologien garapenean egin du lan. Horrez gain, Ikerlari eta Proiektuetako Arduradun aritu da K4-Idekoren ikuskapen- eta bitartekaritza-ildoan, zehaztapen handiko sistema fotogrametikoak garatzen, dimentsio handiko piezak hiru dimentsiotan berreraikitzeko, robotikarako ikusmen artifizialeko sistemak garatzeko eta tren-sistemak mantentzeko sistema optikoak egiteko. 2015ean Vicomtechen sartu zen, ordenagailu bidez lagundutako kirurgietarako eta errehabilitaziorako robotikarako teknologia berriak garatzeko.

Xabier Mitxelenak esperientzia handia du zibersegurtasunaren arloko zuzendari moduan. Haren proiektu nagusienen artean daude S2 Taldeko sortzailea eta aholkularia izan izana. Accenture Securityren Espainiako, Portugalgo eta Israelgo arduraduna izan da. Egun, CYBASQUEko (zibersegurtasuneko enpresen Euskadiko elkartea) presidentea eta Cybertixeko CEOa da.

Ainara Garcíak Deustuko Unibertsitatean egin zituen industria-antolamendurako ingeniaritzaren gradua eta masterra. 2021eko martxotik, proiektuen PMO managerra da Barbara IoTen. Lehenago, Euro Funding, F Iniciativas, EDP España, Bridgestone Europe. Middle East & Africa enpresetan egin du lan.

Cristóbal Arellano doktorea aditua da zibersegurtasunaren arloan, eta plataforma digitalei buruz duen ezagutza sakonagatik da ezaguna. IEC 62443 arauak erabat barneratuta ditu, eta azken urteotan industriako hainbat enpresa indartzen ibili da. Enpresa horietan, plataforma digitalek funtzio garrantzitsua dute negozioarentzat.

Gaur-gaurkoz, Arellano doktorea Industriako Zibersegurtasuneko ikerlaria da Ikerlan Ikerketa Zentro prestigiotsuan. Rol horretan, operazio seguruen eta plataforma digitalen garapenaren arduraduna da.

Era berean, H2020 IDUNN proiektuaren koordinatzailea da. Ekimen horrek segurtasun-esparru sendoa ezartzen du Teknologia Eragilearen (TE) inguruneetarako.

Etxahun Sanchez Bazterretxea Perseus Ciberseguridadeko berrikuntza-arloko arduraduna da. Telekomunikazioetako Goi Mailako Ingeniaria eta Industriako Ingeniari Teknikoa da, eta Industria Elektronikoan dago espezializatuta Deustuko Unibertsitatean. 17 urtetik gorako esperientzia du segurtasunaren/zibersegurtasunaren arloan. Lan-ibilbidean zehar I+G+b arloko ingeniari aritu da Nextel eta S21Sec enpresetan. Zibersegurtasuneko proiektuetan hartu du parte eskualdean, estatuan eta nazioartean eta ikerketa-lanak egin ditu, irtenbide teknologikoak garatu ditu eta proiektuak txertatu eta kudeatu ditu. Halaber, segurtasuneko auditore eta kontsultaria izan da Ernst&Youngentzat, eta identitateak kudeatzeko proiektuetan eta SOXera (Sarbanes-Oxley) egokitzekoetan hartu du parte. 2020tik, Perseus Ciberseguridadeko I+G+b saileko arduraduna da eta erakundearen berrikuntzaren diseinua zuzendu eta estrategia Perseusen ildo nagusiekin lerrokatuta zehazten laguntzen du, ideiak sistematikoki sortuz, ezagutza berria erabiliz, teknologia berriak aztertuz eta erakundean negoziorako aukera berriak sortuz.

Eduardo Jacob Ingeniaritza Telematikoan katedraduna da Bilboko Ingeniaritza Eskolan (EHU) eta I2T Ikerketa Telematikoaren Taldeko arduraduna da. Industriako taldeetatik eta komunikazioetatik eratorritako datuekin egiten du lan normalean.

Román Orús Ikerbasqueko ikerlari doktorea da Donostiako International Physics Centeren (DIPC), eta Multiverse Computingeko sortzaileetako bat eta CEOa da. Europar Batasuneko software kuantikoaren enpresarik handiena da hura. Bartzelonako Unibertsitatean Fisikako gradua eta doktoretza egin ondoren 2006an, ikertzaile-bekaduna izan zen Queenslandeko Unibertsitatean, Australian, eta Alemaniako Max Planck Optiko Kuantikoen Institutuan. Halaber, irakasle juniorra izan zen Mainzeko Johannes Gutenberg Unibertsitatean, Alemanian. Frantziako Paul Sabatier – CNRS Unibertsitatean eta DIPCn irakasle gonbidatua ere izan da. Orús doktoreak hainbat sari jaso ditu bere lanagatik, Nazioarteko Marie Curie Beka barne. Eta Europako Fisika Elkarteak emandako Early Career Prize saria (2014). Artikulu zientifiko asko idatzi ditu bilaketa kuantikoari buruz, sistema kuantiko konplexuen eta aplikatutako informatika kuantikoaren eremuari egindako funtsezko ekarpenak barne. Quantum aldizkariaren zuzendaritza-batzordeko kidea, Munduko Elkarte Kuantikoaren ‘Quantum for Quants’ (Q4Q) batzordeko kidea, Entanglement Partnerseko kidea, Centro de Ciencias de Benasque Pedro Pascualen Batzorde Zientifikoko kidea eta Espainiako Fisika Errege Elkarteko Informazio Kuantikoan Espezializatutako Taldeko presidentea da.

Ekonomia eta enpresa Zientzietan lizentziatua da eta Aholkularitza Finantzarioa Graduondokoa egin zuen Deustuko Unibertsitatean. Euskadiko finantza-sektoreko eta industria-sektoreko enpresen kontu auditore lanetan hasi zuen ibilbide profesionala, PriceWaterhouseCoopers enpresan. 1994an sartu zen Kutxabanken (orduan BBK) eta txikizkako merkataritza-sareko taldeen zuzendaritza-postuetan aritu da. BBK-ko Gizarte Ekintzako zuzendaritza-taldean hartu du parte, eta erakundeak finantzatutako proiektu sozialen balorazioan eta jarraipenean dago espezializatuta, gizarteratzearen eta berrikuntza sozialaren arloan. Egun, Kutxabankeko ESG zuzendaria da, Komunikazio eta Jasangarritasun Sailaren barruan. Zuzendaritza horrek jasangarritasunarekin lotutako denbora-lerroak koordinatzen ditu, batez ere, finantza jasangarriekin lotura duten alderdien kasuan.
Berriki, “Finantza jasangarrien zuzendaritzarako garapen programa” egin du AFI Finantza Eskolan, eta “Inbertsio Jasangarrien Ziurtagirirako Ikastaroa” Bartzelonako School of Management.

Industriako sailburuordea da Eusko Jaurlaritzan 2021eko irailetik. 2020 eta 2021 artean, Industria eta Energia Trantsizioaren Saileko Industria eta Energia Trantsizioaren zuzendaria izan zen, eta aurretik, 2019ko uztailetik, garapen industrialeko zuzendaria izan zen.

Energia Klusterra, José Ignacio Hormaeche, Zuzendari Nagusia. Bideetako Ingeniaritza egin zuen da Madrilgo Unibertsitateko Bide, Kanal eta Portuetako Ingeniarien Eskolan eta Enpresen Zuzendaritza Masterra INSIDEn. 2006 eta 2013 artean, Energiaren Euskal Erakundeko (EEE) zuzendari nagusia izan zen. Kargu horretan zegoela, EEEren parte ziren hainbat enpresatako Administrazio Kontseiluko kidea izan zen, hauetakoa hain zuzen ere: Naturgas Energía, Bahía Bizkaia Gas, eta IBIL. Halaber, CIC energiGUNEko eta CADEM eta SHESA sozietate publikoetako presidentea izan da. 1998tik 2006ra bitarte, Gamesa Taldean jardun zuen. 2004an, Gamesa Eólicako Operazioen zuzendaria izan zen. Aerosorgailuen eta parke eolikoen diseinuan, fabrikazioan eta mantentze-lanetan liderra da enpresa hori. Aurretik, SIEMSAko zuzendari nagusia izan zen. GAMESA taldeko enpresa da hura eta instalazio elektrikoen muntaketan eta mantentze-lanetan jardun zuen batik bat.

Agustin Zubillaga Rego Informatikako eta Telekomunikazioetako Ingeniaritzan doktorea, ingeniari informatikoa eta Zientzia Politiketan eta Administrazioan graduduna da. Teknologia sektorean lan egin ostean, DeustoTechen eta Deustuko Unibertsitateko Ingeniaritza fakultatean ikerketako eta kudeaketako lanak egin ditu. Orkestra-Lehiakortasunerako Euskal Institutuko Ekonomia Digitaleko Laborategia zuzentzen du 2016tik eta bertatik ekonomia digitalaren eta berrikuntza eta eraldaketa digitalen jarraipen sakona egiten du gai digitalekin lotutako politika publikoak diseinatzeko. 2022an, Vicomtech-Teknologia Aplikatuko Zentroan hasi zen lanean Bilboko egoitza zuzentzeko.

Universidad del Salvador unibertsitatean (Bs.As.-Argentina) Ekonomian lizentziatua, Ekonomian masterra (MSc. In Economics) Warwick-eko (Erresuma Batua) Unibertsitatean eta Enpresa Lehiakortasunean eta Ekonomiaren Garapenean doktorea Deustuko Unibertsitatean (Donostia). Bere ibilbide profesionala Argentinako finantza-sistema barruan garatu du. Besteak beste, analisi-lanak egin ditu banketxeetan eta arrisku-kalifikazioko agentziatan, arretagunea honako hauetan jarrita: banketxeetako eta aseguru-etxeetako arriskuaren azterketa. Ikerketa arlo nagusiak enpresetako jarduerekin lotutako eskualde mailako lehiakortasunean eta garapenean (nazioartekotzea, berrikuntza, 4.0 industria, ekonomia-finantza egoera eta abar), eta politika publikoekiko interakzioetan oinarritu ditu.

20 urte baino gehiagoko esperientzia du Estatu Batuetako merkatuaren inguruan enpresei aholkularitza ematen. Zuzenbidean lizentziatua da Deustuko Unibertsitatean, Nazioarteko Zuzenbide Masterra du The George Washington University Law Schoolen, eta New Yorkeko Abokatuen Elkargoko kidea da.

Kizkitza Gurruchaga ikerlaria da CEIT ikerketa-zentroan, Donostian. Fisika Aplikatuan doktorea da Nafarroako Unibertsitatean (2010). Ikerlari gisa saiakuntza ez-suntsitzaileekin jardun du eta teknika magnetikoek eta elektromagnetikoek mikroegitura eta ekoizpen-akatsak ezaugarritzeko duten gaitasuna aztertzen du. Akats horiek gainazalaren gogortasunaren aldakuntzak, zuzentzeko erredurak, hondar-tentsioak eta gogortutako geruzaren ezaugarriak edo tratamendu teknikoaren kalitatea izan daitezke. Produktuen edo ekoizpen-prozesuen kalitatea kontrolatzeko aukera ematen duten saiakuntza ez-suntsitzaileak garatzeko Europako eta erkidegoko hainbat proiektu kudeatu eta teknikoki parte hartzen du.

Sonia Garai Morenok HR Manager Globalaren kargua du Arteche Taldean. 20 urtetik gorako esperientzia du funtzio horren segmentu guztietan taldeak eta politika estrategikoak gidatzen, eta inpaktu handia izan du negozioaren emaitzetan. Esperientzia handia du kultur eraldaketan, erakundeen optimizazioan, plan estrategikoen garapenean eta zuzendaritzaren garapenean.

Orkestra-Euskadiko Lehiakortasunaren Institutuko Energia eta Ingurumen Laborategiko ikerlaria da 2012tik. Enpresen Sustapenean eta Garapenean doktorea da Euskal Herriko Unibertsitatean eta “Ekoizpen elektrikoaren kanpoko kostuen nazioartekotzea” testua egin du. Orkestran egiten duen ikerketa-lanean Europako, Espainiako eta Euskal Autonomia Erkidegoko politika energetikoak, klimatikoak eta industrialak aztertzen ditu batik bat. Energiaren prezioei, energia-trantsizioari eta energia-politikaren erronkei buruzko proiektuetan hartu du parte, batez ere elektrizitateari dagokionez, baina baita gasarekin lotutako gaietan, ekonomia deskarbonizatzeko estrategietan, ekonomia zirkularrean eta lehengaietan, fiskalitate energetikoan, finantzaketa berdean eta geopolitikan ere, hainbat erakunderekin lankidetzan. Aurretik, Euskal Herriko Unibertsitatearen Nazioarteko Azterketen Katedran egin du lan eta espezializazio-beka bat lortu zuen Eusko Jaurlaritzako Europako Gaien eta Eskualdeen Arteko Lankidetzaren sailetan. Artikuluak eta liburuen atalak argitaratu ditu aldizkari akademikoetan eta energia-sektoreko aldizkarietan, eta esperientzia handia du konferentzietako eta energia-sektoreko ekitaldietako hizlari gisa.

Industriako ingeniari teknikoa da eta Kalitatearen eta Ingurumenaren Kudeaketako Masterra eta Ekonomia Zirkularreko masterra ditu. 20 urtetik gorako esperientzia du ingurumen-kudeaketan, bizi-ziklora bideratuta, eta eraikuntzaren sektorean dago espezializatuta. Enpresen jasangarritasunerako ingurumen-proiektuak garatzen ditu Ingurumen-ziurtagiriak, birziklapen-proiektuak, industria-sinbiosia, etab.
Ingurumen estrategiaren arduraduna da Campezo Taldean 2020tik, eta ingurumen-joera berriekin lotutako proiektuak garatu ditu, jasangarritasunaren eta garapen jasangarriaren arloan erronka eta aukera gisa planteatzen den paradigma-aldaketaren arabera.
Aldi berean, Eje&Coneko bazkidea da: Exekutibo eta Aholkularien Espainiako Elkartea.

Zuzenbidean lizentziatua da eta Ekonomian espezializatua. Filologia Hispanikoan doktorea da eta ibilbide profesional osoa banaketa komertzialaren arloan garatu du 1995etik Continente Supermerkatuetan (Promodès Taldea) eta 1997tik EROSKIn. Bi hamarkada hauetan hainbat erantzukizun izan ditu. Berezko marken arduraduna, ehunen saileko zuzendaria eta erosketen zuzendaria izan da. Egun, Osasun eta Jasangarritasun zuzendaria da Marketin Estrategikoaren arloan, eta EROSKI Fundazioaren zuzendari nagusia da.
Erantzukizun horiekin batera, Intercoop Ltd.-ko zuzendariordea izan da (Eskandinaviako herrialdeetan eta Italian liderrak diren banatzaileei eta EROSKIri zerbitzua ematen dien nazioarteko erosketen zentrala da), Euskadiko Kontsumo Kooperatiben Federazioko presidentea (FECOE), Euskadiko Kooperatiben Goi Mailako Batzordeko (CSCE) aholkularia, Euskadiko kooperatiben Konfederazioko (Konfekoop) kidea, Elkar Lan Kooperatiba Elkarteko zuzendariordea (kooperatibismoa sustatzeko), Nazio Batuen Mundu Itunaren Espainiako Sarearen Batzorde Exekutiboko kidea, Enpresaren Erantzukizun Zibileko Aldizkariaren Aholkularitza Batzordeko kidea, Euskadiko Batzorde Ekonomiko eta Sozialeko kidea, AECAko Erantzukizun Zibileko Batzordeko kidea eta Basque Ecodesign Center Batzorde Exekutiboko kidea. Halaber, hainbat komunikabiderekin aritzen da lankidetzan.

Ekonomiaren Garapen, Jasangarritasun eta Ingurumeneko sailburua

Gdansk-eko (Polonia) Unibertsitatean Atzerri Merkataritzan graduatua. Ibilbidearen hasieratik, Pomeraniako enpresen hazkundeari eta nazioarteko lankidetza ezartzen laguntzeko nazioarteko eta eskualdeko hainbat proiektutan parte hartu izan du. Euro Info Centren hasi zen aholkulari-lanetan. Nazioarteko Lankidetzarako Europako Batzordearen (EEN) sarean (epe luzerako proiektua). 2008tik, Pomeraniako Garapen Agentzian egiten du lan Ekintzailetza Garatzeko Sailaren buru gisa. Bere zereginetako bat da Pomeraniako enpresei laguntzea nazioarteko jarduerak garatzea eta ekonomia-munduak urtero ekartzen dituen aldaketa bizkorrei aurre egiteko helburua sustatzea.

Mark Andriesek Antwerp-eko Unibertsitatean eta VEVn (VoKa), Flandriako enpresen federazioan, hasi zuen bere lan-ibilbidea. 2004 eta 2018 artean, Flandriako hiru gobernu-kabineteren burua izan zen (2014 eta 2018 artean, lehen ministroarena). 2019ko urtarrilaren 1ean, Mark AndriesVLAIO -Flandriako berrikuntza eta ekintzailetzako CEO (zuzendari exekutiboa) izendatu zuten . Aurretik lanean ari ziren bi agentziek 2016an bat egin zutenetik, VLAIO da ekintzailetarako, industriarako eta berrikuntzarako Flandriako gobernuaren agentzia exekutiboa (2019an: 350 langile eta 750 milioi euroko aurrekontua). Honako hauek dira bere jarduera nagusiak: dirulaguntzak, zerbitzuak eta berrikuntzarekin eta ekintzailetzarekin lotutako bitartekaritzaz arduratzen diren erakundeen sarea osatzea. VLAIOk funtsezko rola betetzen du ekonomia- eta berrikuntza-politikaren hedapenean (Belgikako sisteman eskualde mailako eskumena), eta FITekin (Flandriako Merkataritza Inbertsioak) lankidetza estuan aritzen da.

Brasilgo bulegoaren zuzendaria

Bonifacio García Porras Europako Batzordeko (DG GROW) Barne Merkatuaren, Industriaren, Ekintzailetzaren eta Enpresa Txiki eta Ertainen Zuzendaritza Nagusiko “Enpresa Txiki eta Ertainen (ETE)” unitateburua da gaur egun. Lehenago, Bonifacio izan da Europar Batasunaren negoziatzaile nagusia Kontratazio Publikoari buruzko Alde Anitzeko Akordiorako (PPA), Munduko Merkataritza Erakundearen (MME) Akordioaren babespean.

Bonifazio Zuzenbidean lizentziatu zen 1992an Salamancako Unibertsitatean (Espainia), eta makro eta mikroekonomiari buruzko hainbat ikastaro ere egin zituen. Zuzenbide Fakultatean graduatu ondoren, Magister Legum (LLM) titulua lortu zuen Europako Ikastetxean 1993an (Brujas, Belgika), eta han Europako ikasketa juridikoak egin zituen. Bonifacio Salamancako Abokatuen Elkargoko kidea da eta 7 urte baino gehiagoz hasi zen Europako abokatutzan. 2000. urtean Europako Batzordean sartu zen, eta bertan Batzordeko presidenteorde Loyola de Palacioren eta Piebalgs komisarioaren kabineteetan lan egiteko aukera izan zuen, garraioarekin eta energiarekin lotutako gaietan, hurrenez hurren. Bonifacio Batzordearen hainbat arlotan ere aritu da lanean, hala nola Europako Seihilekoan, kontratazio publikoan, energian, garraioan, berrikuntzan eta komunikazioan. Zehazki, unitateko burua ere izan da, berrikuntzaz eta komunikazioaz arduratzen diren Batzordeko bi sailetako arduraduna, hurrenez hurren.

Emaitzetara bideratutako profesionala naiz, eta 3 urteko esperientzia dut Giza Baliabideen aholkularitzan, Bizi Zientzien sektorean. Gaur egun, Key Account Manager gisa nabarmentzen naiz, diabeteserako arreta medikoko soluzio digitaletan espezializatua. Nire karrerak etengabeko jakin-mina eta osasunaren alorrerako grina izan ditu, merkataritza orientazio sendoarekin batera.